GRAAG wil ek my opregte dank en waardering uitspreek teenoor die mediese personeel van saal C by Mediclinic in die Paarl.
My vrou was in hulle sorg vanaf die 18de tot die 21ste Januarie. Die diens wat die verpleegpersoneel in saal C gelewer het, was prysenswaardig.
Dankie aan elkeen wat my vrou se verblyf so aangenaam as moontlik probeer maak het.
Dankie ook aan die geneesheer vir sy bekwame bystand. Ek en Ransolah waardeer dit opreg.
Gaan voort om goeie diens te lewer. Julle arbeid gaan nie ongesiens verby nie.
Weereens baie dankie.
Freddie Green